قصيدة ... تنتقد امداد اسرائيل بالغاز ... رائعة جدا جدا..لأحمد فؤاد نجم

قصيدة ... تنتقد امداد اسرائيل بالغاز ... رائعة جدا جدا..لأحمد فؤاد نجم

بسم الله الرحمن الرحيم

قصيدة بعنوان

دا شعب فقرى

أحمد فؤادنجم

نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ....... نسترحمك
نستعطفك .......نستكرمك
ترحمنا من طلعة جنابك حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد 'غازه' لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد 'مستوطنة '
متسلطنة بالسرطنة
إيه اللي خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
بخيارحنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يالا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم

السلام عليكم ورحمه الله وبركاته
قصيده رائعه جدا اخى نكشه راس ..... ولكن
كما قال الامام الشيخ الشعراوى عليه رحمه الله ان كنا قدرك فالله يعينك علينا وان كنت قدرنا اعاننا الله......
بارك الله فيك اخى على مجهودك الطيب جعله الله فى ميزان اعمالك ان شاء الله
وتقبل المرور اخى

السلام عليكم ورحمة الله وبركاته
بارك الله فيك اخي نكشة رأسة على مجهودك الرائع وموضوعج الجميل الذي انرت في القسم بزاته
وتقبل مروري

شكرا لك اخي احلى عاشق ويسعدني مرورك

وانت تعلم كم يطربني ان تكون قد مررت عن موضوعي

شكرا لك جدا


السلام عليكم ورحمه الله وبركاته شكرا اخى نكشة راس على هذا المجهود وعلى هذة القصيدة التى تذكرنا بواقعنا الاليم وبارك الله فيك واصلح الله احوالنا وتحيانى